Reagim "Dardanus" 20.11.2024

REAGIM! РЕАКЦИЈА!

Organizata për kulturë dhe mbrojtje dhe konservim të trashëgimisë kulturore e shpirtërore "HUTA" Tetovë, shfaq shqetësim të mëdha në lidhje me punimet në nekropolin "Skupi" ku u gjet pllaka "DARDANUS".  

Edhe pse morëm përgjigje nga Komuna Karposh me datë 02.03.2023(bashkangjitur përgjigja në fotografi) që nuk ekziston një leje ndërtimi për atë parcelë ku gjendet nekropoli, sot kuptojmë nga televizioni TV21 që në atë lokalitet po kryhen punime ndërtimore.

Ne si organizatë kemi kërkuar nga Drejtoria e Mbrojtjes së Trashëgimisë Kulturore në Shkup, që ta shpall këtë vend si lokalitet arkeologjik, duke marrë parasysh këtu se nga videot e publikuara shihej që aty nuk kishim të bëjmë vetëm me nekropol, nga Drejtoria në fjalë nuk morëm asnjë përgjigje. 

Ndërsa nga peticioni që kemi krijuam në change(.org) deri tani kemi grumbulluar 2434 nënshkrime.

Kërkojmë nga Drejtoria e Mbrojtjes së Trashëgimisë Kulturore dhe nga Komuna e Kaproshit, që të merren parasysh këto fakte dhe të NDALOHEN punimet urgjentisht në atë lokalitet arkeologjik.